آخر أخبار قانون الإيجار القديم، الرئيس السيسي صدق رسميًا على قانون الإيجار القديم وسيتم العمل به بداية من يوم الثلاثاء الموافق 5 أغسطس 2025 أي بعد اليوم التالي من تصديق الرئيس عليه.
اليوم السابع قانون الإيجار القديم، وستقوم الحكومة بنشر قانون الايجار القديم في الجريدة الرسمية لكي يصبح نافذا.
ويقدم موقع أخبارنا شرحا مبسطا للقارئ يوضح طريقة التعامل وفق قانون الايجار القديم الصادر اليوم سواء كان مؤجرا ام مستأجرا.
آخر أخبار قانون الإيجار القديم
وبداية من اليوم لو عندك شقة إيجار قديم للسكن، فالعقد ينتهي بعد 7 سنوات من تاريخ تطبيق القانون ده (يعني من النهاردة نعد 7 سنوات).
ولو الإيجار القديم مش سكني (يعني عيادة، مكتب، محل، شركة…)، فالعقد ينتهي بعد 5 سنين من النهاردة.
تعديل قانون الإيجار القديم، بس خلي بالك: لو المالك والمستأجر اتفقوا مع بعض قبل المدة دي، فالاتفاق هو اللي يمشي.
طيب هيحصل إيه في الفترة دي؟
المحافظ هيكوّن لجان متخصصة، وهتبدأ تحصر الشقق المؤجرة، وتقسم المناطق لـ: مناطق متميزة ومناطق متوسطة ومناطق اقتصادية
وهيشوفوا كل حاجة: موقع العمارة، نوع الشارع، شكل العمارة، مساحة الشقة، وجود مياه وغاز وكهربا وتليفون.. وحتى المواصلات والخدمات الحكومية.
اللجان دي هتقوم بعملها خلال 3 شهور وللمحافظ أن يمد تلك الفترة مرة تانية لمدة مماثلة فقط، والإيجار هيبقى كام؟
القانون بيقول إن الشقق السكنية الإيجار بتاعها هيبقى 20 ضعف الإيجار الحالي، بس بشرط ما يقلش عن 1000 جنيه.
مثال: لو إيجارك حاليًا 50 جنيه → يبقى الإيجار الجديد هيكون 50 × 20 = 1000 جنيه (لأن القانون بيقول الحد الأدنى 1000).
طيب لحد ما اللجان تشتغل وتحدد القيمة؟
المستأجر هيدفع مؤقتًا 250 جنيه شهريًا.
وبعدين لما اللجنة تحدد القيمة الإيجارية الحقيقية، المستأجر هيكون مطالب يسدد الفرق.. ممكن يسدد الفرق ده كاش أو بالتقسيط.
طيب تسليم الشقق دي للملاك إزاي؟
أولاً: المستأجر أو الورثة ملزمين بتسليم الشقة في المواعيد التالية:
لو الشقة سكنية → التسليم بعد 7 سنين من تاريخ تطبيق القانون.
لو الشقة مش سكنية (يعني محل – مكتب – عيادة…) → التسليم بعد 5 سنين.
لكن في حالتين بس ممكن يحصل التسليم قبل كده:
لو ثبت إن الشقة مقفولة بقالها أكتر من سنة من غير سبب واضح.
لو ثبت إن المستأجر عنده شقة تانية (سكنية أو تجارية) يقدر يستخدمها بدل دي.
في حالة إن المستأجر رفض يسلم، المالك من حقه يروح لقاضي الأمور الوقتية ويطلب قرار بالطرد.
طيب هو كده الناس اللي عايشة في إيجار قديم هتترمي في الشارع؟
طبعًا لأ! القانون قال بوضوح: الدولة ملزمة توفر وحدة سكنية للمستأجر أو الورثة قبل نهاية المدة (7 أو 5 سنين)، سواء بنظام الإيجار أو التمليك وده هيتم من خلال:
طلب رسمي بيقدمه المستأجر للدولة، ولو الدولة أعلنت عن مشروع سكني، المستأجرين دول ليهم أولوية في التخصيص.
