فوجيء جميع العاملين بقطاع الكرة بالأهلي وجود محمود الخطيب رئيس النادي في ملعب التتش وغرف الملابس في السابعة صباح يوم الثلاثاء.
وقال الإعلامي سيف زاهر إن رئيس الأهلي تواجد قبل وصول اللاعبين بـ٩٠ دقيقة حيث يتجمع اللاعبون في الثامنة والنصف قبل المران بساعة ونصف الساعة.
واجتمع الخطيب بشكل منفرد مع محمد يوسف المدير الرياضي ثم انضم لهما خوسيه ريبييرو المدير الفني للفريق.
ودخل الخطيب غرف الملابس والتأهيل والاستشفاء واجتمع بطبيب الفريق في حضور يوسف للإطلاع على الحالة الطبية الكاملة للاعبين.
رئيس الأهلي اجتمع باللاعبين قبل إنطلاق المران وحذر من بعض السلبيات التي وصلته الفترة الماضية منها
وحذر من ظاهرة العروض وتعديلات العقود وأكد أن تركيز اللاعبين في الملعب هو السبيل لتقديم أفضل ما لديهم
ورفض الخطيب طرح طلبات اللاعبين في الوقت الحالي مؤكدا أن دور اللاعب هو الملعب فقط.
وحذر من التعامل مع السوشيال ميديا والإعلام بشكل منفرد
جلسة اليوم كانت بين الكابتن محمود الخطيب مع الكابتن محمد يوسف مع اللاعبين، وقال كل الكلام اللي أنا شرحته لحضراتكم في الإنترو كابتن محمود الخطيب قال: “أنا عايز التزام، مش عايز تفريط في نقاط، مش عايز نهزر، مش عايز مباراة نحس إن هي تحصيل حاصل وحسمناها من أولها”.
وأضاف الخطيب: “مش عايز حد يفكر في السوشيال ميديا، مش عايز تعامل فردي مع الإعلام، مش عايز حد يكلمني غير في التزام، ومش عايز حد يكلمني في التوقيت ده في العقود.. عندك مدير أعمالك يروح يتكلم في وقت من الأوقات إحنا توقف دوري أو بنبتدي نتكلم في القصص كلها في العقود، هتلاقوا الدنيا سهل”.
وتابع سيف زاهر: “بالبلدي كده، قدم السبت هتلاقي الحد والإثنين ولكن ده مش توقيت دلوقتي كل واحد يتكلم في حاجة وكل واحد يعمل اللي هو عايزه، ده مش هيكون موجود”
وواصل زاهر: “تدخل الكابتن محمود الخطيب في التوقيت ده؟ واحد يقول لك: “يا عم دي لسة أول مباراة، إحنا لسة بنسخن” لا، ما هو مش عايز يبقى أول ماتش وثاني ماتش وثالث ماتش والإدارة عملت سكواد رائع جدًا، الأمور متستحملش إن الأمور تمشي بالشكل ده”.
